కళ్ల కింద నల్లని వలయాలు తగ్గాలంటే

 కళ్ల కింద నల్లని వలయాలు తగ్గాలంటే

కళ్ల కింద నల్లని వలయాలు తగ్గాలంటే... చల్లటి దోసరసంలో దూదిని ముంచి కనురెప్పల మీద పెట్టుకొని పదిహేను నిమిషాల సేపు విశ్రాంతి పొందాలి. తర్వాత చల్లని నీటితో శుభ్రపరుచుకోవాలి. బంగాళదుంప రసాన్ని కూడా ఇందుకోసం ఉపయోగించవచ్చు.

చలికాలం శిరోజాలకు మేలు చేసే ప్యాక్...

చలికాలం శిరోజాలకు మేలు చేసే ప్యాక్... 
మగ్గిన అరటిపండు, గుడ్డులోని తెల్లసొన, రెండు టేబుల్‌స్పూన్ల తేనె, రెండు టేబుల్ స్పూన్ల పాలు, మూడు టేబుల్ స్పూన్ల ఆలివ్ ఆయిల్‌ను ఒక పాత్రలో వేసి బాగా కలపాలి. ఈ మిశ్రమాన్ని మాడుకు, కేశాలకు పట్టించి ఇరవై నిమిషాలు వదిలేసి,తర్వాత తలస్నానం చేయాలి. 

చర్మం ముడతలు పడకుండా ఉండాలంటే?

 చర్మం ముడతలు పడకుండా ఉండాలంటే?

చిన్న కీరా ముక్కను మెత్తగా గ్రైండ్ చేయాలి. అందులో రెండు టీ స్పూన్ల తేనె కలపాలి. ఈ మిశ్రమాన్ని ముఖానికి రాసి, ఆరిన తర్వాత శుభ్రం చేసుకోవాలి. రోజు విడిచి రోజు ఈ మిశ్రామాన్ని ప్యాక్‌లా వాడటం వల్ల చర్మం ముడతలు పడటం తగ్గుతుంది.

సౌందర్య చిట్కా

 సౌందర్య చిట్కా 

ఆలివ్ ఆయిల్‌ను రోజూ ముఖానికి రాసుకొని మసాజ్ చేసుకుంటే రక్తప్రసరణ వృద్ధి చెంది, చర్మం బిగుతుగా తయారవుతుంది.

చుండ్రు తగ్గాలంటే

 చుండ్రు తగ్గాలంటే 

ఆలివ్ ఆయిల్, తేనె సమపాళ్లలో తీసుకొని మాడుకు, కేశాలకు పట్టించాలి. తర్వాత మైల్డ్ షాంపూతో తలస్నానం చేయాలి. వారానికి రెండు సార్లు ఇలా చేస్తే చుండ్రు తగ్గుతుంది. పొడి జుట్టుకు ఆలివ్ ఆయిల్, తేనె కండిషనర్‌గా పనిచేస్తాయి.

సౌందర్య చిట్కా

 సౌందర్య చిట్కా 

ఆలివ్ ఆయిల్, పంచదారలను సమపాళ్లలో తీసుకొని మెడ, వీపు భాగాల మీద రాసి, 5-10 నిమిషాలు రబ్ చేయాలి. తర్వాత గోరువెచ్చని నీటితో శుభ్రపరుచుకోవాలి. వారంలో 3-4 సార్లు ఇలా చేస్తే నలుపు తగ్గి, చర్మం కాంతివంతంగా తయారవుతుంది.

బ్యూటీ టిప్స్

 బ్యూటీ టిప్స్

అరకప్పు ఓట్‌మీల్‌లో పావు కప్పు వేడి నీళ్లు పోసి బాగా కలపాలి. ఈ మిశ్రమాన్ని వేళ్లతో తీసుకొని ముఖానికి, మెడకు రాసి నెమ్మదిగా మర్దనా చేయాలి. మిగిలిన మిశ్రమాన్ని ప్యాక్‌లా వేసి ఆరిన తర్వాత శుభ్రపరుచుకోవాలి. మూడు-నాలుగు రోజులకోసారి ఈ ప్యాక్ వేసుకుంటే చర్మకాంతి పెరుగుతుంది.

బ్లాక్ హెడ్స్ పోవాలంటే...

బ్లాక్ హెడ్స్ పోవాలంటే...

ముందుగా మూడు కప్పుల నీటిని మరిగించి, అందులో రెండు టేబుల్ స్పూన్ల వంటసోడా వేసి, ఈ నీటిలో టవల్‌ను ముంచి ముఖానికి అద్దుతూ ఉండాలి. ఇలా ఐదారుసార్లు చేసిన తర్వాత వరిపిండిలో పెరుగు కలిపి ఆ మిశ్రమాన్ని బ్లాక్ హెడ్స్ ఉన్నచోట రాసి ఐదు నిమిషాల పాటు వలయాకారంగా రుద్దాలి. తరువాత చల్లని నీటితో కడిగేయాలి.

మొటిమలు పోవాలంటే

 మొటిమలు పోవాలంటే

• బాదంపప్పును పాలతో కలిపి చిక్కటి పేస్టు చేసి మొటిమలపై రాయండి. మొటిమలు మెత్తబడి త్వరగా తగ్గడమే కాకుండా మచ్చలు కూడా పడవు.

• ఉసిరి విత్తనాలను నాలుగైదు గంటలు నీటిలో నానబెట్టి పేస్టు చేసి మొటిమలపై రాసి అరగంట తర్వాత చన్నీటిలో కడిగితే మొటిమలు క్రమంగా తగ్గుతాయి.

పేస్ ప్యాక్

 పేస్ ప్యాక్ 

నాలుగైదు స్ట్రాబెర్రీలను మెత్తగా గ్రైండ్ చేసుకుని అందులో టీ స్పూన్ తేనె కలిపి ముఖానికి అప్లై చేసి పావుగంట తర్వాత గోరువెచ్చని నీటితో కడిగేయాలి. ఇలా నెలకు రెండు మూడు సార్లు చేస్తే చర్మం నునుపుగా ఉండి, మంచి ఛాయ వస్తుంది.

ఎండలో బయటకు వెళ్లి వచ్చిన వెంటనే ముఖాన్ని

 ఎండలో బయటకు వెళ్లి వచ్చిన వెంటనే ముఖాన్ని

• ఎండలో బయటకు వెళ్లి వచ్చిన వెంటనే ముఖాన్ని కీరదోస ముక్కతో రుద్ది కడిగితే చర్మం నల్లబడదు.
• గోళ్లు పెళుసుబారి విరుగుతుంటే... రసం పిండేసిన నిమ్మచెక్కతో రుద్దాలి.
• మోచేతుల దగ్గర చర్మం మృదువుగా రావాలంటే ముల్లంగి ముక్కతో రుద్దాలి లేదా ముల్లంగా రసాన్ని రాస్తే సరి.

పెదవులు నల్లగా ఉంటే

 పెదవులు నల్లగా ఉంటే

పెదవులు నల్లగా ఉంటే... కొద్దిగా వెన్న తీసుకుని రెండు గ్లిజరిన్ చుక్కలు వేసి కలిపి రాయాలి. ఇలా వారానికి మూడు-నాలుగు సార్లు రాస్తుంటే క్రమంగా నలుపు వదిలి పెదవులు ఆకర్షణీయంగా మారుతాయి.

సౌందర్య చిట్కా

 సౌందర్య చిట్కా 

మూడు టీస్పూన్ల టొమాటో రసంలో టీస్పూను తేనె కలిపి ముఖానికి రాసుకుంటూ ఉంటే, కొద్దిరోజుల్లోనే కాంతివంతమైన ఛాయ మీ సొంతమవుతుంది.

మొటిమలు తగ్గాలంటే

 మొటిమలు తగ్గాలంటే

1. బాదంపప్పును పాలతో కలిపి చిక్కటి పేస్టు చేసి మొటిమలపై రాయండి. మొటిమలు మెత్తబడి త్వరగా తగ్గడమే కాకుండా మచ్చలు కూడా పడవు.
2. ఉసిరి విత్తనాలను నాలుగైదు గంటలు నీటిలో నానబెట్టి పేస్టు చేసి మొటిమలపై రాసి అరగంట తర్వాత చన్నీటిలో కడిగితే మొటిమలు క్రమంగా తగ్గుతాయి.

ముడతలు తగ్గాలంటే...

ముడతలు తగ్గాలంటే...

టీ స్పూన్ ఓట్స్ పొడిలో టీ స్పూన్ ఆపిల్ గుజ్జు, టీ స్పూన్ తేనె, టీ స్పూన్ పచ్చిపాలు కలిపి, ముఖానికి రాసి 20 ని.ల తర్వాత గోరువెచ్చని నీటితో కడిగాలి. వారానికి రెండుసార్లిలా చేస్తే ముడతలు తగ్గుతాయి.

సౌందర్య చిట్కా

 సౌందర్య చిట్కా 

రెండు టీ స్పూన్ల పచ్చిపాలలో రెండు టీ స్పూన్ల ఓట్స్ పొడి, చిటికెడు చందనంపొడి, చిటికెడు పసుపు కలిపిన మిశ్రమాన్ని ముఖానికి అప్లై చేసి 20 నిమిషాల తర్వాత చన్నీటితో కడగాలి. ఇలా వారానికి రెండు సార్లు చేస్తే ముఖం కోమలంగా తయారవుతుంది.

చుండ్రు నివారణకు...

 చుండ్రు నివారణకు...

ఒక కప్పు పెరుగులో, టేబుల్ స్పూన్ కొబ్బరినూనె, ఒక స్పూన్ నిమ్మరసం కలిపిన మిశ్రమాన్ని తల కుదుళ్లకు బాగా పట్టించి, అరగంట తర్వాత తలస్నానం చెయ్యాలి. ఇలా వారానికి రెండు సార్లు చొప్పున రెండు నెలలపాటు చేస్తే చుండ్రు పోతుంది.

మొటిమలతో వచ్చిన మచ్చలు తగ్గాలంటే...

 మొటిమలతో వచ్చిన మచ్చలు తగ్గాలంటే...

మొటిమలతో వచ్చిన మచ్చలు తగ్గాలంటే... వేపాకులను మెత్తగా పేస్ట్ చేసి చిటికెడు పసుపు కలిపిన మిశ్రమాన్ని మచ్చలు ఉన్నచోట పలుచని పొరలా అప్లై చేసి, పది నిమిషాల తర్వాత గోరువెచ్చని నీటితో కడగాలి. ఇలా వారానికి రెండు సార్లు చేస్తే తేడా కనిపిస్తుంది.

కేశాలకు ప్రొటీన్ ప్యాక్...

కేశాలకు ప్రొటీన్ ప్యాక్...

ఒక బౌల్‌లోకి అర కప్పు పెసరపిండి తీసుకుని దానిలో కీరా ముక్కల తురుము, ఆరెంజ్ జూస్, ఒక కోడిగుడ్డు వేసి గ్రైండ్ చేసుకోవాలి. ఈ ప్యాక్‌ను నిలవ ఉంచకుండా తాజాగా ఉన్నప్పుడే ఉపయోగించాలి. ముందు రోజు సాయంత్రం షాంపూతో తలస్నానం చేసి మర్నాడు ఉదయం ఈ ప్యాక్‌ను జుట్టు మొత్తం పట్టించాలి. 20 నిమిషాలపాటు ప్యాక్‌ను ఆరనిచ్చి తర్వాత గోరువెచ్చని నీటితో కడిగేయాలి. ఇలా నెలకు రెండు సార్లు చేస్తే జుట్టుకు పోషణ లభించి ఆరోగ్యంగా మెరుస్తూ ఉంటుంది.

చర్మం కాంతిమంతంగా ఉండాలంటే

 చర్మం కాంతిమంతంగా ఉండాలంటే

రెండు టీ స్పూన్ల అరటిపండు గుజ్జులో టీ స్పూన్ తేనె, టీ స్పూన్ పచ్చిపాలు కలపాలి. ఆ మిశ్రమాన్ని ముఖానికి పట్టించి ఐదారు నిమిషాల తర్వాత గోరువెచ్చని నీటితో కడగాలి. ఇలా వారానికి రెండుసార్లు చేస్తే చర్మం కాంతిమంతంగా ఉంటుంది.